Category: MUKTAK

६६.हामी जस्तै कालापानी लिपुलेक नि रुँदो होला
तात्तिएर लिम्पियाधुरा हिउँले मुहार धुँदो होला
युगौँदेखि दोस्रो मान्छे बनि जिवन चलाउनेलाइ
घरदेशले बिर्सिदिँदा मनमा कस्तो हुँदो होला?

६७.मैले आकाश देख्न पाको धर्ति टेके देखि न हो
जूनको मूल्य बढ्दै गाको बादलुले छेकि न हो
तिम्रो आँखामा फूल हुँदा सम्मपनि ठिकै थियो
कुरा बिग्रिएको तमीले काँडा देखे देखि न हो।।

६८.नाडि भन्दा मुल्यवान घडि भए पछि
तितो लाग्छ सक्खर पनि बढी भए पछि
पुतली जस्ता चम्किला सपना छिट्टै झर्दा रैछन्
अब फैलाउँछु सपना मणि भए पछि।।

६९.वाणीदेखि संगीत सम्म धुन अर्कैको हुन्छ
देखिनुमा रवाफिलो गुन अर्कैको हुन्छ
स्वाबलम्बी हुँ भनेर छाति फुलाइ हिड्नेहरुको
गलामा सुन र भान्सामा नुन अर्कैको हुन्छ।।

६२.आफ्नै सँग समान हुन मिल्नुपर्छ औकात पनि
निर्धोले त पर्छ निल्नु लुकाइ लुकाइ चाहत पनि
कसैको त जिन्दगीमा बाह्रै मास भेल बाढी
बलेसीमा झरिरहन्छ आँशु आफैँ वर्षात् बनि ।।

६३.जिन्दगी पनि बिचित्रको मझधारमा छ
लाग्छ सबै झैँ किनमेलको बजारमा छ
सयमा पाइनेँ त तेरो मेरो श्रम हो बिर्खे
छाक टार्ने नुन तेलको भाउ हजारमा छ।।

६४.यता किसान मानो रोपी मुरी कुर्दै बसेका छन्
ठ्याक्कै साइत मिलाएर सलह गाउँ पसेका छन्
आउन पनि कति सम्म आउँन सक्या महामारी
जे जे आए ति सबैले निमुखालाई डसेका छन्।।

६५.वर्षौँदेखि छिमेकिले आफ्नै आँगन मिच्दै आए
अंगुल बित्ता जे ले हुन्छ वर वर खिच्दै अाए
शताब्दी नै कटि सक्यो देशलाई पारी सुम्पिएको
यता पाउर जे जे मिल्यो बाँडि बाँडि घिच्दै आए।।

५८.मेरै साथमा हुँदा पनि तिमिलाइ दुखी देख्नुपरे
मुटु काटी बिछोडका कथाहरू लेख्नुपरे
भैगो तिमी खुशी हुनु मलाई संसार जित्नु छैन ।
मेरो खुशी निम्ति तिमीले काँडा माथि टेक्नुपरे।।

५९.कहिलेकाहीँ अाँशुहरु झरि अोझेल पारिदिन्छन्।
थाहा नपाई परेलिले वर्षा पनि झारिदिन्छन्।
संझिएको अाफ्नो मान्छे !छेपारो झैँ रङ्ग फेर्छ
लाग्छ जित्ने युद्ध पनि अाफ्नाहरु हारिदिन्छन्।।

६०. गर्न पनि दुनियामा के के मात्रै गर्नुपर्छ
अप्जस खेप्न बाँच्नु अनि राम्रो हुन मर्नुपर्छ
उसले सर्दा कुन्नि खै के बिग्रिदो रहेछ र हो
लगाउँ प्रित भन्यो जहिले म नै अघि सार्नुपर्छ।।

६१.हाम्रै निम्ति कुरेको त्यो प्रहर हुनेछ
प्रेम नै प्रेम को मायावी त्यो शहर हुनेछ
जब पर्खाइको सिमा अन्तिमतिर ढल्दै हुन्छ
मेरो सामु तिम्रो प्रेमिल नजर हुनेछ।।

५४.डरायो हाल अनि बेहाल डरायो
अखडा र खालले पार्ने गाल डरायो
बेवास्ता गरेँ जानि जानि झेलि खेलका हरकत
अात्तिएरै उसको ननिको चाल डरायो।

५५.अाक्षेप नलगाउ याद तिम्रो नअाएको होइन
तिमी सँगै मर्ने कसम नखाएको होइन ,
होलान् कति गल्ती मेरा ,कतै चुक्यौ तिमी पनि
तिम्रै निम्ति जीवन गीत नगाएको होइन ।।

५६.नचाहेरै याद हुने तिथि, मिति, घडी र क्षण
दुखेको त्यो समय र तिर्न बाँकी अामाको ऋण
मिल्ने भए बिर्सनलाइ केही किस्सा अतितका,
बिर्सिदिन्थे अाफ्नै मुटु बन्दगिमा राखेको दिन ।।

५७.हाँस्नै पर्ने आफ्नै मुटु टुक्रिएर झरे पनी
बाँच्नै पर्ने जीन्दगि यो पल पल मा मरे पनि।
कुरा काट्ने काटिदिन्छन फलानोले नकाम ग-यो
भलाईको निम्ति तिमीले अंङ्गै दान गरे पनि।।

५०.न त घट्छ सुगन्ध त्यो गुलाबमा काँडा हुँदा,
नबिर्सन्छ मनले तिमीलाई दूरी थोरै टाढा हुँदा।
उस्तै फुलोस् विश्वासको गुलाब जस्तो पहिले फुल्थ्यो,
समान देख्नु तिमीले माया थोरै फिक्का गाढा हुँदा।।

५१.रंगीन चाहेँ जिन्दगी यो सादा मात्रै लेख्यौ किन?
जे जे लेख्नु पर्थ्यो माथमा आधा मात्रै लेख्यौ किन?
छैन केही गुनासो त जे जे दिन्छौ स्वीकार्दै छु ,
पिर बाधा चुल्याउन मलाई मात्रै देख्यौ किन?

५२.जिन्दगी छैन सजिलो सजिलो बनाउनुपर्छ
त्यसै दिँदैनन् बरदान भगवान र पो त मनाउनुपर्छ ,
कुरो गरिरहन्थ्यो उ ,ठूला बडाको कुकर्म पनि बास्ना आउछ भनेर,
नजानेरै निर्धो गर्छ गल्ती र पनि उसले गन्हाँउनूपर्छ।।

५३.दबाउन सत्य उसलाई नपुंसक बनाइयो
र कमजोर समयलाई हिंस्रक बनाइयो
भित्र भित्रै रचेर नौटंकी, बिच्छ्याएर पर्दा
जिन्दगी रंगमञ्चको नाटक बनाइयो।।