९.गर्छन् प्यार लुकेर खुलेरै झगडा देखाउँछन्
निर्धा पाए आफुलाई खुबै तगडा देखाउँछन्
लाग्दैन भरोसा किन किन आफ्नैहरु सँग पनि
मनमा राखेर तुष आँखामा घडा देखाउँछन्।।

१०.आगो भर्भराउँथ्यो देखियो आज काल भर्भराइरहेको
जीवन रुपि श्लोक गाउने अोठ बेस्सरी थर्थराइरहेको।।
कृष्ण तिमी माया माया भन्छौ अन्जान बालक जसरी
म सुन्दैछु सुस्केरा सुन्दैछु पुकार जिन्दगी बर्बराइरहेको।।

११.रुप भन्दा ठुलो शत्रु आजसम्म भेट्या छैन
बफदारीताले जति त कस्सम दुखले पनि लखेट्या छैन
जति रेटिए मान्छे यहाँ अरुलाई खुसी राख्दा राख्दा
त्यति त गाइनेले युग भरिमा सारंगी पनि रेट्या छैन।।

१२.कोहि अोइलिए कोही फक्रिए घाम एउटै भए पनि
कोहि माथि छन् कोही छन् तलै गाम एउटै भएपनि
इमान बेचेर रवाफिलो हिम्मत किन्छन् र पनि कोही
कुल्चेर रवाफ हिँड्छन् इमानमा काम एउटै भए पनि।।