Pipala Dhungana पिपला ढुङ्गाना
उसको त याद पनि मदिरा पिएर आउँछ
मुटु खान एक गोलो धमिरा लिएर आउँछ

संसार सबै बैरी बनाइ जोडिएको मन पनि
आखिरीमा प्वालै प्वाल र चिरा लिएर आउँछ

बुढेसकालको साहारा सम्झिएको छोरो
मात्रै दशैँमा एक पोको जिरा लिएर आउँछ

साँच्चै मुटु पनि एक्लै कामको नहुँदो हो
र त साथमा धमनी र शिरा लिएर आउँछ

सक्नुपर्छ कटाउन कोइला जस्तो समयलाइ
एक दिन जिन्दगीले आफैँ हिरा लिएर आउँछ।।