साँच्चै अचम्मकै मझधारमा रोकियो
पानी माग्दै जिन्दगी किनारमा रोकियो

देख्नेले अनेक देखे भाग्य पनि मुहारमा
घुमिफिरी कुरा उहि निधारमा रोकियो

ज्याला लिएर गुजारा गर्नेले बिर्से सास फेर्न
जब राहत राजनितिको आधारमा रोकियो

सबै भएर पनि खल्लो लाग्यो आफ्नो भाग
जब स्वादको जस सबै अचारमा रोकियो

दिनु पर्ने नदिनु पर्ने सबै दियो समयले
मात्रै प्रेम झ्यालखानाको संघारमा रोकियो