Month: July 2020

यता किसान मानो रोपी मुरी कुर्दै बसेका छन्
ठ्याक्कै साइत मिलाएर सलह गाउँ पसेका छन्
आउन पनि कति सम्म आउँन सक्या महामारी
जे जे आए ति सबैले निमुखालाइ डसेका छन्।।

Pipala Dhungana पिपला ढुङ्गाना

मैले आकाश देख्न पाको धर्ति टेके देखि न हो
जूनको मूल्य बढ्दै गाको बादलुले छेकि न हो
तिम्रो आँखामा फूल हुँदा सम्मपनि ठिकै थियो
कुरा बिग्रिएको तिमीले काँडा देखे देखि न हो।।

Pipala Dhungana पिपला ढुङ्गाना

नाडि भन्दा मुल्यवान घडि भए पछि
तितो लाग्छ सक्खर पनि बढी भए पछि
पुतली जस्ता सपनाहरु छिट्टै झर्दा रैछन्
अब उडाउँछु मात्रै चडि भए पछि।।

_Pipala Dhungana पिपला ढुङ्गाना