१.गाउँमा जस्तो प्रिय कुरा भेटिदैन शहर तिर
दुर गाउँको मीठो झल्को मेटिदैन शहर तिर
जान्दा जान्दै मुखमा राम बगलीमा छुरा हुन्छ
रहरले कोहि पनि लखेटिदैन शहर तिर।।

२.म घाम हुँ आकाश बदल्न सक्दिनँ
र म तिम्रो इसारामा चल्न सक्दिनँ
कुर्ने हिम्मत नहुँनेले आफ्नो बाटो फेरे हुन्छ
बेलै नभइ पश्चिम दिशा ढल्न सक्दिनँ

३ करले हुँदैन माया, डरले हुँदैन माया
तिमी गर्छौ व्यर्थै रहर, रहरले हुँदैन माया,
पर्खेर समय त्यो जितौँला प्रित नसोचे
जो हुन्छ हुन्छ आफैँ,प्रहरले हुँदैन माया।

४.सवाल हरुको वस्तीमा म जवाफ खोजिरहेछु
लाग्छ हत्तारको दुनियामा लगाब खोजिरहेछु
सबै आफ्ना सबै राम्रा शंका गर्नु कसलाई गर्नु
त्यहि भिडमा नकावधारी खराब खोजीरहेछु।।